ESv | 18.10.2021 09:17
AF LA-NINA Í KYRRAHAFINU

Áhugavert frávikakort sjávarhita sem dagsett er 16. október.  Kalt frávik yfir Kyrrahafinu nærri miðbaug er einkenni fyrir La-Nina ástand.  Það koma meira að segja fram fallegar kaldar tungur eða bylgjur sem teygja sig til norðausturs.  Á móti höfum við mjög hlýtt frávik á stóru svæði norðar í Kyrrahafinu og aftur kaldan sjó undan Alaska.

Í fyrravetur var einnig La-Nina ástand svipað þessu.  Kalda frávikið var heldur óigreinilegra í sumar og fram undir septemberlok, en skv. þessu korti hefur því vaxið ásmeginn.  Spár gera síðan ráð fyrir því að þetta haldist til áramóta, en gefi síðan eftir.  Á það hefur líka verið bent að spá ECMWF skeri sig úr með eindregnari köldu fráviki, stærra útslag La-Nina og að það standi lengur. 

En ef hverju erum við að velta þessu fyrir okkur yfir höfuð, þegar við sjáum líka á kortinu og sjórinn hér við land er bara í ágætu meðallagi og engar kaldar tungur að sjá á okkar slóðum?

Sýnt er verið fram á það tölfræðilega og með ágætlega rökstuddum kenningum afl- og varmafræðilega að með La-Nina í Kyrrahafinu veikist heimskatahvirfillinn að vetrarlagi yfir pólnum eða í það minnsta verður hann fyrir truflunum af ýmsu tagi.  Við sjáum t.d. nú að V-röstin í heiðhvolfinu er þegar byrjuð að veikjast, eins og línuritið frá Hannah E. Arendt sýnir glöggt. Síðan eru það spár um hlýnun þarna uppi, einkum yfir N-Ameríku, sem hliðrar sjálfum hvirflinum. 

Allt þetta hefur áhrif hér hjá okkur eins og síður verður vikið að hér á Bliku.



      

Reykjavík - Veðurspá
Í dag,
09:00
0 mm
19 m/s
12:00
0 mm
22 m/s
15:00
2 mm
16 m/s
18:00
2 mm
16 m/s
21:00
1 mm
14 m/s
Á morgun,
09:00
0 mm
5 m/s
15:00
-1°
0 mm
6 m/s
Næstu dagar
0606
5 mm
10 m/s
0707
-3°
0 mm
10 m/s
0808
4 mm
10 m/s