Helgarveður vegfarenda
Föstudagur: Snjóar suðvestanlands í fyrramálið og til hádegis austur fyrir fjall, ekki vindur og hlánar skart með rigningu um miðjan daginn. Snjómugga verður víðast vestur á Snæfellsnes og Vestfirði seinnipartinn og eins norður í land. Hægur vindur og því ekki skafrenningur, en samt nokkuð blint á köflum og vitanlega hálka.
Laugardagur: Skilin yfir vestanverðu landinu fara til baka eða suðaustur yfir landið. Hægur vindur, en víða ýmist rigning eða snjór á landinu. Kólnar á endanum. Nokkur óvissa sem fylgir því að hafa hægfara en nokkuð skörp skil yfir landinu (þau eru hins vegar ekki greinileg á spákortinu!).
Sunnudagur: Éljagangur verður víða um morguninn en ekki blástur sem heitið getur. Um hádegi koma ný skil með snjókomu úr suðri. Hlýnar og fer fljótt í rigningu. Einnig á Hellisheiði, en snjóar víða í eftirmiðdaginn norður í land og vestur á firði.
