HITINN Á NORÐURHJARANUM

Loks bárust fréttir hingað af óvenjulegum og langvarandi hitum í Síberíu.  Það þurfti hitamet til, 38 stig í bænum Verkoj­ansk norður af Jakútsk.  Sumarhitar eru ekki óalgengir þetta norðanlega þegar hlýtt loft úr suðri þvingast norður á bóginn.  Kuldinn í jörðinn og kalt Ísahfið í norðri verkar samt temprandi, en síður nú eftir að hitinn hefur verið langt ofan meðallags meira og minna frá því í desember.  Á eftir afar mildum og frostlitlum vetri koma hlýtt vor og hitabylgjur í kjölfarið líkt og nú. 

Auðvitað á afbrigðileg og langvarandi staða veðurkerfanna mikinn hlut að máli.  Við munum enn liðinn vetur, stormar og snjóar hér, en milt Atlantshafsloft barst á sama tíma langt til austurs inn yfir víðáttur Rússlands.

En hér fylgja greinargóð kort úr smiðju Scott Duncan  

1. Hitinn í gær á norðurslóðum.  Sjáum á rauðustu litunum hve hlýtt er í N-Rússlandi austur eftir öllu. Að sama skapi var svalt á okkar slóðum og vestur við Grænland.  Kaldi liturinn þar er að mestu yfirborðshiti á jökli í um 3.000 m hæð!  En gildistíminn er kl. 6 og þá var enn svalur morgunn á Íslandi.

2. Frávik meðalhita fyrstu 5 mánuði ársins sýna líka vel afbrigðilegan hita í Síberíu, en almennt að kalt hafi verið í N-Kanada.  Reyndar ennig við Svalbarða (þó það sjáist ekki á kortinu). 

Fróðlegt verður að fylgjast með þróun mála í sumar og hvar hitasvækjur júlí og ágúst bera niður að þessu sinni.