HORFURNAR ÚT MÁNUÐINN

Hér er að mestu byggt á mánaðarspá ECMWF sem gefin var út að kvöldi 6. jan.

Frá því um áramót hefur V-vindurinn í háloftunum verið að ná sér á strik á norðurslóðum eftir truflanir í straumnum framan af vetri.  Getum líka tala um styrk hringrásarinnar.  Lægðagangur hefur verið þessa fyrstu viku janúar og með stormurm og illviðri.  Fleiri lægðir má sjá á spákortum næstu viku, en líklega fara þær ekki um okkur eins óblíðum höndum og þær síðustu (1., 3. og 6. jan) . 

Sýni fjórar myndir og skýringar með.

1. 

Skipting styrks V-áttar í 100 hPa hæð til 23. jan.  Spá GEFS.  Fleiri og fleiri keyrslur hafan í eftir þriðjungi (blátt) eftir því sem kemur fram í mánuðinn.  Má með góðu móti túlka sem mælikvarða á atgang lægða, s.s á N-Atlantshafi, en segir lítið  um sjálfa lægðabrautina hér við land.

2.

Frávik í 500 hPa fletinum eru á þá lund að stríð SV-átt í hálofunum hér  við land telst líkleg og smámsaman styrkr háloftahvirfillinn við V-Grænland sig í sessi.  Stundum er sá kallaður Stóri-Boli.  Kortið sýnir frávik í spá síðustu viku janúar. Er forskrift að rysjóttu veðri, éljum vestantil og snjó til fjalla. 

3.

Loftþrýstifrávikin benda til  ríkjandi háþrýstisvæðis suður í Atlantshafi og að vindur á mill SV og NV verði algengur. Gæti orðið stormasamt og með sviptingum í hita. Síðusta vikan sýnir lægri þrýsting hér við land og hærri yfir meginandi Evrópu. Má túlka sem far lægða úr suðvestri á leið hér um.

4.

Sömu spár benda til þess að úrkomusamt verði vestan- og suðvestantil báðar vikurnar. Síður norðaustan- og austanlands.  Þessi frávik eru líka vísbending um SV-læga vinda fremur en NA-læga síðari hluta janúar.

Í fjórðu vikunni bendir dreifing safnspáa til þess að um 20-40% líkur sú á að N-átt verði meira áberandi og þá með fremur köldu veðri og hríðum N- og A-lands.