HVAÐ SEGIR NÝ SPÁ FYRIR JÚLÍ ?

Í hverjum mánuði lít ég á veðurlagsspárnar sem safnað er saman á einn stað.  Þær eru reiknaðar á ekki færri 9 stórum reknisetrum hér og þar um heiminn.  Oft eru þessar spár út og suður og fátt sem ere á hönd festandi.  Nú ber hins vegar betur í veiði og allgott samræmi er á okkar slóðum um meginlínu þeirra.

Lítum aðeins á spána og reynum að túlka þau frávik sem þar birtast.

Byrjum á júlí og höfum þann háttinn á að fyrst er tekin spá ECMWF og síðan sams konar kort fyrir sem er nokkurs konar meðalspá allra 9 reiknisetranna.

Á korti yfir frávik loftþrýstings má sjá hæðarfrávik vestur af Bretlandseyjum og suður af Íslandi, það sem meira er að það birtist einnig á safnspáinn (multi) á svipuðum slóðum.

Frávik lík þessum hafa sést í nokkur skipti í júlí.  Nærtækast er júlí 2021 og einnig má sjá að 1984 var svipað upp á teningnum.  Má finna fleiri sem eru áþekkir í þrýstifarinu.

1984 var hlýtt og sólríkt norðan- og austanlands, en sunnanlands og vestan hins vegar óþurrkasamt. Á Akureyri var meðalhitinn 12,7°C

2021 var júlímánuður mjög hlýr og þurr, sérstaklega á Norður- og Austurlandi.  Eiginlega metmánuður í hita.  Og á Akureyri mældist hitinn hvorki meira né minna en 14,3°C og  hafa aldrei mæst eins margar sólskinsstundir í júlí þar og þá.  Mánuðurinn var jafnframt þurr um mest allt land.      

Kort ECMWF fyrir úrkomfrávikin sýna líkur á þurru veðri, þ.e. að samanlagt úrkomumagn hafni í lægri þriðjungi. Sjáum að guli liturinn nær yfir Austurland og áhrif hærri loftþrýstings koma vel fram í spá um litla úrkomu s.s. á Bretlandseyjum. Safnspáin nær hins vegar  engu útslagi fyrir úrkomufrávik hér við land.

Saman má túlka þrýstifrávikin og tengsl við úrkomu þannig að hér á landi verði meira um SV- og V-áttir og minna um vinda á milli norðurs og austurs.  Hæðarsveigjan á þrýstisvæðinu og hversu nálægt landinu vænt hæðarsvæði heldur sig. Af því ráðast úrkomulíkum vestantil.  Þrátt fyrir hlýindi í rigndi nokkuð í júlí 1984, en ekki 2021.

Hér fylgja síðan meðalþrýstikort fyirr þessa samanburðarmánuði úr endurgreiningu af Brunni Veðurstofunnar.

Á morgun lítum við á spá fyrir ágúst úr sömu keyrslum.