HVAR SKYLDI SÍLDIN HALDA SIG NÚ?

Þegar síldin drapst vegna súrefnisskorts í Kolgrafarfirði 2012-13 sællar minningar voru upp ýmsar kenningar hvað varð þess valdandi. Nokkur síðar var það mat manna að dauðann mætti rekja til súrefnisskorts, en súrefni gekk nánast til þurrðar.  Því ollu veðurfarslegar aðstæður.  Hægur vindur og yfirborðskæling.

Í fyrra sinnið drápust um 30 þús tonn (13. des. 2012) og 22 þús til viðbótar um 4. febrúar, en rotnun á sjávarbotni ýtti þá undir súrefnisskortinn.

Íslenska sumargotssíldin leggst í hálfgerðan vetrardvala inn á einhverjum djúpu fjarðanna og alls ekki alltaf í Kolgrafarfirði.  Stofninn er nú í minna lagi og metinn á  220-230 þús tonn.

Nú háttar svo til að veður á Breiðafirði líkist í megindráttum því sem var í aðdraganda fyrri síldardauðans.  Hægur vindur í nokkra daga og yfirborðskæling.  Höfum í huga að súrefni getur borist á þrennan hátt í sjóinn. 

1. Með ljóstillífun - en sólin er vitanlega ekki í þeim hamnum nú í skammdeginu.

2. Við hvítfexta öldu og/eða brim.

3. Blöndun við súrefnisríkari sjó með straumum og sjávarföllum.

Kaldur sjór innst í Breiðfirðinum bendir einmitt til lítillar blöndunar. 

Þá er bara spurninginn - veit einhver hér á landi hvar meginstofn fullorðinnar sumargots síldar heldur sig þessa dagana? 

Og hefur Hafró haft tíma, eða faglega getu nú þegar fullt að fólki er að láta þar af störfum til þess að fylgjast með hvar síldin heldur sig ?  

 dauðann mætti rekja til súrefnsiskorts enda hefði hlutfall súrefnis á þessum tíma í Kolgrafafirði verið það lægsta sem mælst hefði á Íslandi. Gríðarlegt magn af síld hefði verið í firðinu og langt tímabil logns á svæðinu