MIÐNÆTURKEYRSLURNAR - SAMANBURÐUR

Hér má sjá á sömu mynd annars vegar nýjustu spákeyrslu ECMWF (tv) og GFS (th).  Það hafa orðið sýnilegar breytingar og vægi meginlægðarinnar liggur austar yfir landinu.  Það þýðir að vindáttin verður frekan N eðan NA og versta veðrið ekki bundið við Vestfjarðakjálkann og Breiðafjörð, heldur ekki síður Norðurland. 

GFS spáin er með lægðina ívið dýpri kl. 18 á morgun eða 947 hPa.  Sést ekki vel á þessu korti, en önnur unnin upp úr sömu líkankeyrslu sýnir miðju lægðarinnar aðeins vestar og sunnar (Yfir Landmannaafrétt eða svo).  Það gæti munað þó nokkru upp á veður að gera, séstaklega vestanlands. En líka hvar á landinu það verður illskeyttast.

Breytir því hins vegar ekki að skv. þessu verður stórhríðarverður um mest allt norðanvert landið og vindur víðast a.m.k. 20-25 m/s og jafnvel meiri.

Blika tekur mið af keyrslum GFS og Veðurstofan af ECMWF.  Þessi munur sést t.a.m. í spá fyrir Reykjavík 

Reykjavík kl. 18 á þriðjudag:

Blika:  25 m/s.

VÍ:  21 m/s.

Blönduós kl. 18 á þriðjudag:

Blika:  26 m/s.  Úrk. 40 mm (byrjar að snjóa um kl. 8).

VÍ:  26 m/s.  Úrk. 20- 25 mm.

Steingrímsfjaðarheiði kl. 18 á þriðjudag:

Blika:  25 m/s.  Úrk.  4 mm  (undarlega lágt gildi!)

VÍ:  28 m/s.  Úrk 28 mm.