SUMARBYRJUN í SPÁNUM

Allar líkur eru á einkar mildu og vorlegu veðri í komandi viku a.m.k. fram að sumardeginum fyrsta (20. apríl).

Undir næstu helgi má sjá teikn um  veilur í spánni – eða öllu heldur nokkurs konar óvissupunkt sem getur leitt til tveggja (eða fleiri) valkosta í veðri næstu daga.

Hæðin austur við Noreg er völd að vorblíðunni í næstu viku.  Veitið athygli háloftadragi vestan við Grænland.  Það smeygir sér suðaustur yfir Grænland og spáð vestur af landinu á föstudag. Um leið rekur meginhæðina til austurs og verður yfir Danmörku á föstudag.

En önnur hæð kemur við sögu, eiginlega hryggur sem veður skv. sömu spá að bólu eða aflokaðri hæð við suðvestanvert Grænland.

Þrír möguleikar á framhaldi.

(1). Lægðin grefur um sig næstu daga og beinir til okkur köldu lofti og hreti.  

(2). Hæðirnar tvær ná saman yfir Íslandi m.a. fyrir tilstuðlan lægðarinnar sem sjá má á suður af landinu.

(3). Meginhæðin í austri styrkir sig í sessi og áhrifa hennar gætir skýrt aftur síðustu vikuna í apríl með mildu veðri á ný.

Í safnspá ECMWF frá í morgun má sá þessa voakostagreiningu á spákorti fyrir þriðjudaginn 25. apríl. (1) er til hægri, (2) er til vinstri og (3) í miðið ásamt áætluðum líkum.

Að lokum er spákort  mánaðarspá ECMWF sem reiknuð var í gærkvöldi (13. apríl).  50 safnspár. Svipuð mynd og valkostir, en aðrar líkur.

Óvissa er metin lítil í spám næstu 6 dagana, en þröskuldurinn í spágetunni er hins vegar greinilegur á 7. degi spátímans eða á föstudag eftir viku.  Mikilvægt er greina óvissuna og hvers kyns veður er líklegra en annað.  Á þessum árstíma skiptir öllu að greina bakslag eða vorhret í spánum og meta líkur á slíkum leiðindum.