Tjaldstæðið er skjólgott og rúmt, pláss fyrir alla hvort sem er í litlu tjaldi, húsbíl, hjólhýsi eða tjaldvagni. Mikil áhersla er lögð á að tjaldstæðið er gististaður og þar verður að vera ró frá 23:00 til 7:00 á morgnana. Snyrtiaðstaðan er í þjónustuhúsunum sem eru nýleg, upphituð hús. Öllum er frjálst að nota eldhús og borðstofu. Þvottahúsið vekur oft mikla lukku eftir langar ferðir.

Opið er frá því í mars og fram í nóvember, það fer eftir veðri og færð. Hægt er að skoða opnunartíma og uppfærðar upplýsingar um verð á heimasíðu svæðisins.