ÍTARLEGRI SPÁGÖGN FYRIR VETURINN
Kóperníkusuar
loftslagsstofnunin hefur nú sett saman 8 veðurlagsspár til næstu þriggja mánaða
í eina fjölspá.
Fyrir um viku
túlkaði ég spá frá einu þessar reiknisetra, þ.e. ECMWF (Evrópska
reiknimiðstöðin).
Sjá hér: https://blika.is/frett/spa-i-vetrarspilin
Fjölspáin ber svipmót reikninga ECMWF og hér eru tvö spákort þrýstifrávika.
Það fyrra sýnir desember
sérstaklega. Þar má sjá jákvætt loftþrýstifrávik í hafinu fyirr sunnan og
suðaustan land. Reyndar einnig yfir Íslandi. Má hæglega túlka sem svo að háþrýstisvæði verði
þrálátt við Bretlandseyjar og beini hingað mildur og röku lofti með S- og
SV-áttum. Hætt er við að kólni á meginlandi Evrópu.
Hér er janúar sleppt, en seinna kortið gildir fyrir febrúar. Þá er komið lagþrýstifrávik yfir Íslandi og hér norður undan. Allt önnur staða miðað við desember og þessu frívikamynstri fylgir gjarnan stormatíð með djúpum vetrarlægðum og, umhleypingum og snjóatíð a.m.k. til fjalla. Vestan vindar beina mildu lofti inn yfir V-Evrópu þegar svona háttar til.
Á tímakvarða
mánaða eru það þættir nærri miðbaug og hitafrávik sjávar á heittempruðu hafsvæðunum
sem eru nokkuð ráðandi. MJO kallast hún
sveiflan í hitabeltinu sem sýnir sig að hafa áhrif að lengt og útslag bylgnanna
í vestanvindabeltinu. Þá þykir sýnt að nærri þriggja ára tímabil La-Nina í Kyrrahafinu
sé fjara út næstu vikurnar. Ríkjandi hæðarsvæði um þessar mundir við
Aljútíneyjar og sjá má í flestum 3ja mánaða spám vetrarins er m.a. rakið til mikillar
útbreiðslu á hlýsjó í N-Kyrrahafinu. Sá
hlýsjór tengist reyndar einnig LA-Nina.
Samspil alls þessa er síðan talið auka líkurnar á fremur köldum vetri í
Alaska, NV-Kanada og suður í Norðurríki Bandaríkjanna.
Veðurlagsspár fá meiri athygli og mera er gert með þær en áður. Hjá ECMWF er sérstök frétt um þá sem gildir frá desember til febrúar. Gagnlegar upplýsingar þar fyrir það sem vilja vita meira.